15 Settembre, 2002
Spüdàada sòo fradél! (di Rosa Maria Rossi)
Seréena, trìi mées fà l'éera amò in de li bràaghi de ‘l vèescuf. Adès l’è spüdàada sóo fradél, en pùm spartìit a més.
Spüdàada sòo fradél!
Seréena,
trìi mées fà
l'éera amò
in de li bràaghi de ‘l vèescuf.
Adès l’è spüdàada sóo fradél,
en pùm spartìit a més.
Tènera ‘me na cagiàada,
cu ‘l buchìin e li gòolti rùsi,
la sumìilia a na magiòostra apèena catàada.
J ùc de fülega celèst
i tìira al viulèt
e trìi stupìin biùunt
sparpajàat in sö ‘l cusulìin biùunt
j è la fìin de ‘l mùunt.
L’’udùura de làt e bügàada
(so màma la l’’à apèena lavàada...)
ghe fòo catigulìin,
la sbavàsa galelìin.
Quàan’ la sberlùcia sóo fradél,
la balòsa la sgambèta, la farlòca.
Michele el ghe vóol en bèen de màt:
el la tóos in bràs,
el la nìna,
el la mèena in carusìna
e se la mùstra la putùula,
en po’ de céeri e.....
bèl bèl la s’impizùla.
Davàanti a tàanta tenerèsa
a ‘l mùunt ghe rèesta amò
na quàal certèsa!
Rosa Maria Rossi
 
|